តារាម៉ូដែលលួចរួមភេទជាមួយសង្សារ ជាមេថ្នាំញៀនក្នុងពន្ធនាគារ ក្លាយជារឿងអាស្រូវដ៏ធំ សម្រាប់ឥណ្ឌូនេស៊ី
ឥណ្ឌូនេស៊ី ៖ នៅទីបំផុតអាជ្ញាធរឥណ្ឌូនេស៊ី បានដកបញ្ឈរជើង ឆ្មាំគុកម្នាក់ ដែលបណ្តែតបណ្តោយ ឲ្យតារាបង្ហាញម៉ូដ ដែលបានចូលជួបសង្សារ របស់នាងកំពុងរស់នៅក្នុងបន្ទប់ គុកឯកជនមួយ ដើម្បីរង់ចាំការប្រហារជីវិត ដោយបានរួមភេទ និងប្រើថ្នាំញៀនជាមួយគ្នា យ៉ាងវក់វី ហើយនេះជារឿងអាស្រូវចុងក្រោយ នាំឲ្យមានការវាយប្រហារ ប្រព័ន្ធពន្ធនាគារដ៏ពុករលួយ របស់ប្រទេសឥណ្ឌូនេស៊ី។
នាង វែននី រ៉ូសស៊ីអាណេ អាយុ២២ឆ្នាំ បាននិយាយថា នាងបានចូលសួរសុខទុក្ខមេថ្នាំញៀន ហ្វ្រេឌី ប៊ុតឌីម៉ាន់ បីដងក្នុងមួយសប្តាហ៍នៅពន្ធនាគារ Cipinang ក្នុងរដ្ឋធានីហ្សាការតា។ នាងបានប្រាប់សារព័ត៌មានថា " ខ្ញុំចូលនៅម៉ោង ១១ព្រឹក និងស្នាក់នៅរហូតដល់ម៉ោង ៥ ល្ងាច ។ យើងដេកជាមួយគ្នា និងប្រើថ្នាំញៀន "។
ការបញ្ចេញឲ្យដឹងពីនាង រ៉ូសស៊ីអាណេ កាលពីថ្ងៃទី២១ ខែសីហា បាននាំដល់ការចុះផ្សាយ យ៉ាងព្រោងព្រាតនិងការធ្វើ អត្ថាធិប្បាយក្នុងTwitter ដោយខ្លះរិះគន់គូស្នេហ៍នេះ និងខ្លះទៀតអំពាវនាវឲ្យ បណ្តេញឆ្មាំគុក។ អ្នកនាំពាក្យនាយកដ្ឋាន អប់រំកែប្រែនៃក្រសួងយុត្តិធម៌ បាននិយាយថា អ្នកយាមគុកត្រូវបានហៅ មកសាកសួរនិងត្រូវបញ្ឈរជើង រង់ចាំដល់លទ្ធផល ស៊ើបអង្កេត។
មេថ្នាំញៀន ប៊ុតឌីម៉ាន់ អាយុ៣៧ឆ្នាំ ត្រូវបានកាត់ទោសប្រហារជីវិត កាលពីថ្ងៃ ១៥ ខែកក្កដា ចំពោះការរៀបចំដឹកនាំ ការដឹកជញ្ជូនថ្នាំញៀន មេតាំហ្វេតាមីន ១,៤លានគ្រាប់ ចូលមកពីប្រទេសចិន។ គុក Cipinang នេះត្រូវគេដាក់ជនល្មើសធំៗ និងមានទ្រព្យធន បានរងការរិះគន់ជាយូរមកហើយ ចំពោះការផ្តល់ឋានៈពិសេស ដល់អ្នកទោស ដូចជាផ្តល់បន្ទប់ឯកជនធំទូលាយ និងអនុញ្ញាតឲ្យអ្នកទោស នាំចូលអ្នកបំរើ គ្រឿងសង្ហាររឹម ម៉ាស៊ីនត្រជាក់និងទូរទស្សន៍៕
ប្រភពពី វត្តភ្នំ
Categories:
ព័តមានតារា
0 comments:
Post a Comment