សង្សារមួយគូអោបថើបគ្នានៅកោះពេជ្រទាំងកណ្តាលថ្ងៃចែស
ក្មេងប្រុសស្រីពីរនាក់ដែលត្រូវជាគូសង្សារម៉ឺនឆ្នាំនឹងគ្នា បានអោបថើបនៅកណ្តាលថ្ងៃភ្លឺច្បាស់ចែស និងនៅចំទីតាំងដែលមនុស្សម្នាឆ្លងកាត់យ៉ាងច្រើននៅក្នុងទីក្រុងកោះពេជ្រ ដែលបានធ្វើអោយមានការចែកចាយតៗគ្នាយ៉ាងផុសផុល និងទទួលការរិះគន់យ៉ាងច្រើនពីសំណាក់អ្នកប្រើប្រាស់បណ្តាញសង្គម។
សង្សារមួយគូនេះប្រហែលជាសិស្សគេចសាលា ឬចេញពីរៀនហើយតែមិនត្រលប់ទៅផ្ទះវិញទេ បែរជាទៅប្រព្រឹត្តអំពើនេះទៅវិញ។ កាអោបថើបគ្នានេះ ត្រូវបានយុវវ័យមួយចំនួនតូចគិតថាវាគឺជារឿងសាមញ្ញធម្មតាទៅហើយក្នុងសម័យបច្ចេកវិទ្យាទំនើបនេះ។
មិនត្រឹមតែមានសង្សារមួយគូនេះទេ នៅមានយុវវ័យជាច្រើននាក់ទៀតបានប្រព្រឹត្តសកម្មភាពស្រដៀងគ្នានេះផងដែរ នៅតាមទីតាំងផ្សេងៗគ្នាដូចជា មាត់ទន្លេ កោះពេជ្រ(ក្នុងគុម្ពព្រៃ ឬកន្លែងស្ងាត់) សួនច្បារ និងតាមទីកន្លែងសាធារណៈផ្សេងៗទៀត ដែលបានប៉ះពាល់ដល់ភ្នែកមហាជនដែលឆ្លងកាត់ទីកន្លែងទាំងនោះ។
ជីវភាពគ្រួសារកាន់តែធូរធារ សម័យកាលកាន់តែទំនើប ឥទ្ធិពលនៃវប្បធម៌បរទេស និងការប្រព្រឹត្តធ្វើតាមតៗគ្នា សុទ្ធតែជាកត្តាដែលជំរុញអោយសកម្មភាពបែបនេះកើតឡើងយ៉ាងផុសផុលពីសំណាក់យុវវ័យភ្លើតភ្លើនមួយចំនួន មិនត្រឹមតែក្នុងរាជធានីភ្នំពេញប៉ុណ្ណោះទេ សូម្បីតាមបណ្តាខេត្តផ្សេងៗក៏កើតមានរឿងល្បីនេះមិនចាញ់គ្នាប៉ុន្មានដែរទេ៕
ប្រភពពី happycambodia
Categories:
ព័តមានប្លែកៗ
0 comments:
Post a Comment