អតិថិជនផ្អើលក្រុមហ៊ុនមិតហ្វូនបិទ Facebook (សំលេង)
ប្រភព៖នាវា
វិទ្យុអាស៊ីសេរី៖ អតិថិជនប្រើប្រាស់ប្រព័ន្ធទូរស័ព្ទ មិតហ្វូន (Metfone) នាំគ្នាផ្អើលថា ក្រុមហ៊ុននេះបិទបណ្ដាញសង្គមហ្វេសប៊ុក (Facebook)។
ការភ្ញាក់នេះ គឺកើតឡើងនៅពេលដែលប្រើប្រាស់បើកទំព័របណ្ដាញសង្គមហ្វេសប៊ុក តាមប្រព័ន្ធទូរស័ព្ទ មិតហ្វូន មិនបាន នៅព្រឹកថ្ងៃទី៧ ខែសីហា ឆ្នាំ២០១៣។
បញ្ហាបើកទំព័របណ្ដាញសង្គមហ្វេសប៊ុក មិនបានអស់រយៈពេលជាង ៣ម៉ោង បានបង្កឱ្យអ្នកប្រើប្រាស់ហ្វេសប៊ុកជាច្រើន ជ្រួលច្របល់ ដោយផ្ញើសារសួរ និងជូនដំណឹងគ្នាទៅវិញទៅមក។ អ្នកខ្លះទៀតសង្ស័យថា ការបើកមិនបាននេះទាក់ទងទៅនឹងការទប់ស្កាត់សារនយោបាយរបស់គណបក្សប្រឆាំង។
បន្ទាប់ពីកើតមានបញ្ហាបើកហ្វេសប៊ុក មិនបាននេះ នៅល្ងាចថ្ងៃទី៧ សីហា អង្គការសិទ្ធិមនុស្សមិនមែនរដ្ឋាភិបាលកម្ពុជា ចំនួន ១៣ បានចេញសេចក្ដីថ្លែងការណ៍រួមមួយ ដោយទាមទារឱ្យក្រុមហ៊ុនទូរស័ព្ទមិតហ្វូន ចេញសេចក្ដីពន្យល់អំពីការបិទហ្វេសប៊ុក បណ្ដោះអាសន្ននេះ។
មន្ត្រីអង្គការសិទ្ធិមនុស្ស លីកាដូ គឺលោក អំ សំអាត ថ្លែងថា ក្រុមអង្គការដែលចេញសេចក្ដីថ្លែងការណ៍រួមនេះ ក៏ព្រោះតែព្រួយបារម្ភចំពោះការប៉ះពាល់សេរីភាពបញ្ចេញមតិ និងទទួលបានព័ត៌មានរបស់ពលរដ្ឋតាមរយៈហ្វេសប៊ុកនេះ។
ការសង្ស័យទាក់ទងនឹងនយោបាយ ដោយសារតែបញ្ហាបើកហ្វេសប៊ុក តាមរយៈប្រព័ន្ធទូរស័ព្ទមិតហ្វូន (Metfone) មិនបាននេះ កើតឡើងមួយថ្ងៃបន្ទាប់ពីប្រធានបក្សសង្គ្រោះជាតិ គឺលោក សម រង្ស៊ី សរសើរពីការឈ្នះសំឡេងឆ្នោតរបស់លោកនៅខេត្តធំៗខ្លះ ដោយសារបណ្ដាញហ្វេសប៊ុករបស់យុវជន។
អង្គការសិទ្ធិមនុស្សមិនមែនរដ្ឋាភិបាលកម្ពុជា ចំនួន ១៣ បានសរសេរក្នុងសេចក្ដីថ្លែងការណ៍ថា ដោយសារតែប្រព័ន្ធផ្សព្វផ្សាយភាគច្រើននិងទូរទស្សន៍ ស្ថិតនៅក្រោមការគ្រប់គ្រងរបស់រដ្ឋាភិបាល ទើបពលរដ្ឋកម្ពុជា ភាគច្រើនពឹងផ្អែកលើបណ្ដាញហ្វេសប៊ុក ដើម្បីទទួលព័ត៌មានឯករាជ្យ ហើយចែកចាយចំណាប់អារម្មណ៍ មតិ និងជំនឿផ្សេងៗរបស់ខ្លួន ជាពិសេស បណ្ដាញហ្វេសប៊ុក បានដើរតួនាទីយ៉ាងច្រើននៅក្នុងពេលបោះឆ្នោត។
ឆ្លើយតបនឹងបញ្ហាបើកហ្វេសប៊ុក មិនបាននេះ ត្រូវបានប្រធានក្រុមទីផ្សារ អ៊ិនធឺណិត (Internet) គឺលោក ជា ចាន់ ថ្លែងថា ក្រុមហ៊ុនមិនបានបិទទេ គឺបណ្ដាលមកពីប្រព័ន្ធម៉ាស៊ីន ស៊ើវើ (Sever) មានបញ្ហា។
មន្ត្រីផ្នែកទំនាក់ទំនងព័ត៌មានបន្ទាន់ ឬហៅថា ហត់ឡាញ (Hotline) របស់ក្រុមហ៊ុនមិតហ្វូន ដែលមិនបញ្ជាក់ឈ្មោះ ពន្យល់បន្ថែមថា មកពីប្រព័ន្ធបណ្ដាញនីមួយៗមិនគាំទ្រគ្នា។
ទោះជាដូច្នេះក្ដី អង្គការសិទ្ធិមនុស្សមិនមែនរដ្ឋាភិបាលកម្ពុជាទាំង ១៣ នៅតែទាមទារឱ្យក្រុមហ៊ុនមិតហ្វូនពន្យល់ជាលាយលក្ខណ៍អក្សរឱ្យបានពេញលេញចំពោះមូលហេតុអាក់ខានផ្ដល់ហ្វេសប៊ុកនេះ រួមទាំងការបិទគេហទំព័រឈ្មោះ ខេអាយ មីឌា (KI Media) ចាប់តាំងពីឆ្នាំ២០១១ ផង៕
វិទ្យុអាស៊ីសេរី៖ អតិថិជនប្រើប្រាស់ប្រព័ន្ធទូរស័ព្ទ មិតហ្វូន (Metfone) នាំគ្នាផ្អើលថា ក្រុមហ៊ុននេះបិទបណ្ដាញសង្គមហ្វេសប៊ុក (Facebook)។
ការភ្ញាក់នេះ គឺកើតឡើងនៅពេលដែលប្រើប្រាស់បើកទំព័របណ្ដាញសង្គមហ្វេសប៊ុក តាមប្រព័ន្ធទូរស័ព្ទ មិតហ្វូន មិនបាន នៅព្រឹកថ្ងៃទី៧ ខែសីហា ឆ្នាំ២០១៣។
បញ្ហាបើកទំព័របណ្ដាញសង្គមហ្វេសប៊ុក មិនបានអស់រយៈពេលជាង ៣ម៉ោង បានបង្កឱ្យអ្នកប្រើប្រាស់ហ្វេសប៊ុកជាច្រើន ជ្រួលច្របល់ ដោយផ្ញើសារសួរ និងជូនដំណឹងគ្នាទៅវិញទៅមក។ អ្នកខ្លះទៀតសង្ស័យថា ការបើកមិនបាននេះទាក់ទងទៅនឹងការទប់ស្កាត់សារនយោបាយរបស់គណបក្សប្រឆាំង។
បន្ទាប់ពីកើតមានបញ្ហាបើកហ្វេសប៊ុក មិនបាននេះ នៅល្ងាចថ្ងៃទី៧ សីហា អង្គការសិទ្ធិមនុស្សមិនមែនរដ្ឋាភិបាលកម្ពុជា ចំនួន ១៣ បានចេញសេចក្ដីថ្លែងការណ៍រួមមួយ ដោយទាមទារឱ្យក្រុមហ៊ុនទូរស័ព្ទមិតហ្វូន ចេញសេចក្ដីពន្យល់អំពីការបិទហ្វេសប៊ុក បណ្ដោះអាសន្ននេះ។
មន្ត្រីអង្គការសិទ្ធិមនុស្ស លីកាដូ គឺលោក អំ សំអាត ថ្លែងថា ក្រុមអង្គការដែលចេញសេចក្ដីថ្លែងការណ៍រួមនេះ ក៏ព្រោះតែព្រួយបារម្ភចំពោះការប៉ះពាល់សេរីភាពបញ្ចេញមតិ និងទទួលបានព័ត៌មានរបស់ពលរដ្ឋតាមរយៈហ្វេសប៊ុកនេះ។
ការសង្ស័យទាក់ទងនឹងនយោបាយ ដោយសារតែបញ្ហាបើកហ្វេសប៊ុក តាមរយៈប្រព័ន្ធទូរស័ព្ទមិតហ្វូន (Metfone) មិនបាននេះ កើតឡើងមួយថ្ងៃបន្ទាប់ពីប្រធានបក្សសង្គ្រោះជាតិ គឺលោក សម រង្ស៊ី សរសើរពីការឈ្នះសំឡេងឆ្នោតរបស់លោកនៅខេត្តធំៗខ្លះ ដោយសារបណ្ដាញហ្វេសប៊ុករបស់យុវជន។
អង្គការសិទ្ធិមនុស្សមិនមែនរដ្ឋាភិបាលកម្ពុជា ចំនួន ១៣ បានសរសេរក្នុងសេចក្ដីថ្លែងការណ៍ថា ដោយសារតែប្រព័ន្ធផ្សព្វផ្សាយភាគច្រើននិងទូរទស្សន៍ ស្ថិតនៅក្រោមការគ្រប់គ្រងរបស់រដ្ឋាភិបាល ទើបពលរដ្ឋកម្ពុជា ភាគច្រើនពឹងផ្អែកលើបណ្ដាញហ្វេសប៊ុក ដើម្បីទទួលព័ត៌មានឯករាជ្យ ហើយចែកចាយចំណាប់អារម្មណ៍ មតិ និងជំនឿផ្សេងៗរបស់ខ្លួន ជាពិសេស បណ្ដាញហ្វេសប៊ុក បានដើរតួនាទីយ៉ាងច្រើននៅក្នុងពេលបោះឆ្នោត។
ឆ្លើយតបនឹងបញ្ហាបើកហ្វេសប៊ុក មិនបាននេះ ត្រូវបានប្រធានក្រុមទីផ្សារ អ៊ិនធឺណិត (Internet) គឺលោក ជា ចាន់ ថ្លែងថា ក្រុមហ៊ុនមិនបានបិទទេ គឺបណ្ដាលមកពីប្រព័ន្ធម៉ាស៊ីន ស៊ើវើ (Sever) មានបញ្ហា។
មន្ត្រីផ្នែកទំនាក់ទំនងព័ត៌មានបន្ទាន់ ឬហៅថា ហត់ឡាញ (Hotline) របស់ក្រុមហ៊ុនមិតហ្វូន ដែលមិនបញ្ជាក់ឈ្មោះ ពន្យល់បន្ថែមថា មកពីប្រព័ន្ធបណ្ដាញនីមួយៗមិនគាំទ្រគ្នា។
ទោះជាដូច្នេះក្ដី អង្គការសិទ្ធិមនុស្សមិនមែនរដ្ឋាភិបាលកម្ពុជាទាំង ១៣ នៅតែទាមទារឱ្យក្រុមហ៊ុនមិតហ្វូនពន្យល់ជាលាយលក្ខណ៍អក្សរឱ្យបានពេញលេញចំពោះមូលហេតុអាក់ខានផ្ដល់ហ្វេសប៊ុកនេះ រួមទាំងការបិទគេហទំព័រឈ្មោះ ខេអាយ មីឌា (KI Media) ចាប់តាំងពីឆ្នាំ២០១១ ផង៕
Categories:
ព័តមានប្លែកៗ,
ព័តមានសង្គម
0 comments:
Post a Comment